A PRAIA DOS AFOGADOS

Antón Muíña de 1º de Bach. recoméndanos hoxe a lectura de A praia dos afogados.

"Na miña opinión este é un libro fantástico que recomendo ler a todo o mundo. Nun principio aparenta ser longo e aburrido, pero nada máis lonxe da realidade, xa que cando comezas a lelo engánchate.

A praia dos afogados conta a historia dun vello mariñeiro que aparece morto na praia de Panxón (cidade galega igual que o resto de lugares onde transcorre a obra) e do que todos, tendo en conta o seu pasado e a súa actual situación, sospeitan que se suicidou. Pero as cousas non sempre son o que aparentan, e a historia comeza a complicarse, gardando sempre unha intriga que che incita a seguir lendo, buscando sospeitosos, descartando outros sospeitosos... e vendo as voltas que teñen que dar os inspectores para resolver un coaso que resultará ser moi complicado e emocionante."